關於 觀 塘 老母 意思 ，我們在網路上蒐集到這些相關的討論、資訊與評價

小弟最近發生咗件事
唔想死咗都無人知
所以同大家分享下
希望大家比少少時間睇撚晒佢！

7/9/2020嘅朝早10:51
有位自稱係廉政公署嘅調查主任陳生
用28263100打比我（圖一）
邀請我返北角嗰間icac總部大樓協助調查
佢留咗28993520哩個電話比我（圖二）
話可以聯絡到調查主任陳生本人
仲話我哩次案件相對嚴重
想請我盡快搵日去
但我唔太舒服同要返工
所以最後約咗15/9/2020嘅15:00上去
調查內容係關於我以前選舉開支嘅金額有問題
要我解釋
最快都要調查一個鐘

去到15/9/2020 朝早10:27
廉政公署用28263100打比我（圖三）
佢想提一提我當日約咗3點
但我臨時有事做
去唔到
所以我同佢改咗期
改到17/9/2020 朝早10:00

到咗17/9/2020朝早07:45
我到咗觀塘幫朋友少少事
去到9點我係觀塘站D出口行去搭黨鐵出發去鰂魚涌站
再行去icac總部大樓
我09:40去到
食埋枝煙就打比28993520搵陳生（圖四）
哩次係我第一次用哩個電話同icac溝通
當接通咗
入面個人根本唔係7/9/2020 約我嘅嗰位陳生
而似係icac入面嘅聯絡部門
佢亦都唔太知陳生約咗我
最後佢叫我入去大門登記先

大約09:50登記完
門口職員叫我坐低等一等
10:20終於有兩個人落黎接我
一見到佢地 佢地就問我係咪何生
就接咗我上去
由我一見到佢地
佢地從來無講過佢地嘅資料
包括連姓咩、咩職位 哩d基本野都無講過
由於我以為佢地入到房會自介
所以我無問過

一入到房
佢地兩個同我對完身份證
第一時間問我一d完全唔關icac事嘅野
佢問我咩政治立場
一個問 一個手抄筆記

佢問：「你政治立場係偏民主定親政府？」

我答：「我係素人。」

佢再問我：「你偏黃、定中立？」

我答：「我無架，我素人黎架。」

佢再再問我：「你背後有無所屬咩政治團體，例如民主黨？或激進組織？」

我好誠實咁答佢：「我無，我係素人。」

之後佢話：「嗱，其實我本來打算邀請咗你d義工上黎傾下計先嘅，但我地最後決定搵咗你先，你搞得掂，我地就唔洗搵你d義工。」

我嬲嬲地講：「唔關我義工事，今次係我嘅選舉，你地要搞就搞我，唔好搞我班義工。」

佢：「哩一刻我無辦法同你保證唔會搵你班義工，睇下同你傾成點先喇。」

我心諗我屌老母

之後開始講關於選舉開支嘅野

佢地拎咗我以前選舉開支嘅表同一疊收據嘅影印本
大約50頁
比埋我 叫我拎返屋企睇
叫我手抄佢要我解釋嘅四條問題係個收據嘅影印本上面（圖五）
叫我手寫或者電腦打一封解釋信比佢地
我覺得有d奇怪
點解要我解釋嘅問題要我手抄？
而唔係出一份formal嘅信列晒d問題出黎比我？
但我當場無問到佢

佢講晒四條問題之後
我問佢封信嘅deadline
佢話都好急架
一兩個星期內要親自到北角icac總部
連埋所有佢地比我50頁嘅收據影印本
包括我手抄咗嘅四條問題果張
一次過比返晒佢地

我問佢我哩單野通常個結果會係點？

佢答：「唔知架，但我覺得你哩單唔算嚴重嘅，doj應該唔會告你選舉舞弊，但你寫完信解釋完，但doj唔接受嘅話，較常見嘅後果係會出warning letter或者口頭警戒。」

我問：「warning letter出咗比我會有咩後果？」

佢答：「嗱，我依家呢，就唔係講你，唔好誤會，我話假設如果有一個人又再犯法，上到法庭比官判咗罪成，個官可以拎哩張warning letter黎做量刑指標，可以判多你約個月甚至半年。」

我心諗 我單案10月16宣判（四星期後）
你叫我兩個星期內要比到解釋信你
仲要收返晒我手抄嘅問題同50頁嘅資料影印本
係咩意思？大家明喇

去到最後 可以散band嘅時候

佢講：「我希望你唔好將我地同你講過嘅野同任何人講，包括你屋企人同你班義工。」

我答：「但我都要同我以前班義工傾一傾點寫封解釋信架。」

佢大鳩我：「咁你淨係同一個義工傾好喇，千祈千祈唔好同任何人講你上過嚟ICAC，亦都唔好將所有文件或者我哋傾偈嘅內容定上網，你明架喇，我唔想我上司講說話比我聽，嗱，你識做時我識做。」

我答佢：「ok，但你地可唔可以唔好搞我班義工？」

佢答我：「我唔可以同你保證。」

咁佢地送咗我落樓下
我就走咗
成個調查大約20分鐘
我10:40左右就走咗

之後我搭返黨鐵去觀塘站
我係觀塘B出口恆生㩒完錢
我再行返去觀塘站D出口行去工廈搵返我個朋友
我行到觀塘站D出口時（大約我到觀塘站D出口前間ok便利店）
我見到有個著紅色衫 大約四十歲尾 右耳戴耳機 無戴眼鏡嘅疑似中國藉男子
右手拎住報紙 左手拎住黑色電話
部電話斜斜地 比我嘅感覺似想偷拍
我一轉右行 佢仲係我視線範圍內嘅時候
我見到佢突然拎起部電話似想影我相
我行前多兩三步回頭一望
仆街 佢真係影我相
佢即刻縮返低部黑色電話扮無事
之後我再行前到樓梯口
我回頭望多次個中國藉男子
佢仲望住我 佢即刻縮返低個頭望住部手機

我就知出事了
行到工廈地下等𨋢
有個大約30歲頭嘅女仔
戴住apple耳機
佢都等緊𨋢
但佢突然行開咗
我入咗𨋢入面
入面有三個男人（平民黎 唔關事）
關𨋢門時
個耳機女人突然衝入𨋢
佢無㩒𨋢 關𨋢門
入面只係有人㩒咗8樓
我㩒咗10樓
個耳機女係8樓出咗去
但屌 我唔係8樓出就係10樓出架喇
哩個比我感覺都極似跟我嘅人

直到夜晚 我越諗越唔對路
同咗義工傾 再同一個讀法律嘅朋友傾
佢地都話icac無可能會咁做野
甚至話佢地直情唔係icac
可能係國安
（因為icac係直屬林奠）
分分鐘佢地整咗隊人係for搞鳩我地哩班手足
我聽落又覺得 真係唔出奇

之後我搭車去到我親人屋企打算上樓搵佢傾（市區黎，人多）
去到佢屋宛樓下（有保安）
我食埋枝煙就上去
有一架黑色私家車突然U turn 再
衝到去我前面
架黑色私家車嘅四邊窗都係睇唔到入面
只有前面個玻璃先睇到入面
得一個有戴耳機嘅男人
都幾大隻 大約30-40歲
佢無落車
我果下真係驚咗一驚
我即刻行去黨鐵站搭車返屋企
再google search佢車牌
但search唔到d咩
我記得架黑色車牌嘅英文字係WD __ __ __ __

之後就返咗屋企
換咗晒所有野（你明嘅）

總結：跟我果隊人似國安 icac可能比國安滲透 再用黎打壓政治撚

屌你老母
我無野講

無論如何
唯一出路

有打壓
我地就要有更大嘅反抗
我地香港人真係無得再驚

仲有十二位手足係鹽田
希望大家繼續關注佢地
佢地唔係condom
唔好忘記佢地依家受緊苦
生死未卜...

街頭見



//十一月那個夜晚，他本來只是「落街洗衫」，最後被噴到整頭整臉胡椒噴劑、被拘留在警署兩日，惹上一宗襲警官司，纏繞在身二百幾日之久。案件審結，但沒能審判的細節原來更多。//
//辯方大狀：「嘩，你哋個個喊成咁，我以為自己輸咗官司呀！」//
//洗衫男被告：「我係香港人。」//

【他落街洗衫，卻惹上「襲警」官非……】

前日夜晚十一點幾，滑了好多次手機，反覆瀏覽翌日各區法院的審訊日程後；點指兵兵去了觀塘裁判法院、聽一宗襲警案的續審。決定好了，我隨即向學生發了個短訊：「明早九點半開庭，我約你九點門口等。」到法庭聽審，大概是採寫的最好訓練。

我試過清晨五點到法院排隊輪候，也一席難求，惟這次九點鐘去到，卻是排頭位的第六、七人。如此冷清的場面，讓人有點不祥感覺。「C-O-U-R-T！」審訊開始，由於是續審的關係，我們這些半途加入的人，茫無頭緒，兼夾搞不清狀況。只聽得出是辯方大狀盤問防暴警員，情節圍繞被告給帶返警署之後的遭遇。

至於這宗襲警案如何「襲警」那一部份，明顯早前已經審結，剩下來的故事，場景換上警車車廂和牛頭角警署。法庭上，辯方大狀反複斟酌好幾個情節，包括探究防暴警察有沒有帶被告去男廁洗眼、有沒有把這個項目落簿、有沒有向被告作出警誡、被告是否自願在供詞聲明以及警員的記事冊上簽名，以及防暴警員在警署期間有沒有離開過被告等。

400頁的小說丟了開頭

對我這個中途加入的人來說，這場聆訊就像看一本400頁偵探小說，卻丟了開頭的250頁。頭一個小時，辯方鉅細無遺向作證的防暴警員，追究「有冇寫低被告嘔？」、「警車嘈唔嘈？」、「見值日官前先去地下男廁洗眼？」、「去地下男廁洗眼有冇落簿？」我在記事簿上兜兜轉轉重重複複記錄，卻看不出故事全貌。

而作為二號證人的防暴警員，回答得最多的答案則是：「唔清楚」、「記唔起」、「唔肯定」、「我覺得冇需要」等。漸漸我明白這本書的讀法，是先從防暴警員的盤問，去了解警車和警署裡頭發生過的事件細節和先後次序，然後再換上被告角度，去陳述同一件事。可當中卻苦無客觀證據，更甚者是控辯雙方皆全盤否定對方的說法。

啊，這樣的一個故事，乍聽難明不解，再聽始水落石出。

落街洗衫變襲警

原來事件發生於去年十一月某一日的夜晚，九龍灣有人設路障堵路。防暴警員接報到場後，堵路者大部份已離開，惟九龍灣港鐵站行人天橋附近，卻有一個右手拉住手推車、左手抱住大膠袋，穿汗衫短褲，踢一對白色拖鞋的39歲男人因「落街洗衫」，而在現場出現。按辯方大狀表述案情，這男人被指以右肩膊撞向防暴警員的盾牌，致使同時戴著面罩和眼罩的警員顴骨觸痛，他因此被控以「襲警」罪名。

洗衫男昨日在庭上憶述案情，他指當時遭三、四名防暴警員圍住，其中一人說：「X你老母！」，另一人說：「你做乜X嘢？係咪嗰啲人？」當時他這樣回答：「我係香港人。」警員回應：「你宜家好X型呀？我就告你襲警。」昨日庭上，辯方大狀問道「香港人」是甚麼意思？洗衫男說：「我想表達我係街坊，我係普通香港巿民。」

隨即洗衫男被防暴警員近距離（按警員證供是少於半米至一米距離）直射胡椒噴霧，讓他戴了隱形眼鏡的雙眼刺痛兼有如火燒。按被告陳述，中間還包含很多細節，諸如他雙腳被跪低、雙手從後被扣索帶、被警員照頭淋水、被強行抬起手腳致面朝地面前行，同時被威嚇：「宜家先啱啱開始，有X排同你玩。」以及當他在警車上嘔吐後，防暴警員曾言「舔乾淨啲嘔吐物」等。

兩套情節截然不同的供詞

不過，以上的陳述，全遭作為二號證人的防暴警員以「不同意」否定。往後洗衫男被押返警署後的遭遇，跟警員所述的同樣是完完全全的兩個版本，防暴警員有A說法，被告洗衫男有B說法，幾乎每一個細節和事發的次序，都互相「予以否定」。例如防暴警員指稱甫到達警署，就帶被告到男廁洗眼，言下之意是被告的視力和身體狀況回復，隨後在沒有離開過被告的情況下，向他作清晰的警誡，取得他自願簽署供詞聲明和警員記事冊的招供確認。然而被告的說法卻是，防暴警員從未帶他到男廁洗眼，受胡椒噴劑影響，本身有800度近視加200度散光的他，在視力極度模糊、看不清楚細字內容的狀態下，因為恐懼而順從警方要求，簽署了兩份文件，卻從未從警方口中得知簽名的後果：「他們只說是一個記錄，所以我就簽咗。」

情節枝節太多太豐富，辯方大狀精彩的盤問和裁判官精警到位的分析，只能在現場感受難以在此長贅，但最後這一幕必須細表。聆訊去到下午兩點五十分，裁判官宣佈三點半可以作出裁決，這個長達八個月的襲警案，終有定案。眾人靜候，裁判官坐直，她請被告坐著聽審就可以了。她開腔發話，直言警員證供前後矛盾、不合情理，答辯時避重就輕，有些說法牽強，不是可信證人，故此一併拒絕接納被告簽名的警誡口供呈堂。

這一刻，法庭上人人屏息靜氣，裁判官緩緩說道：「被告是誠實可靠的證人，被盤問時不被動搖、沒有誇大其詞。我接納被告曾受到警員的威嚇、侮辱⋯⋯」被告洗衫男得直，但他沒有昂首挺胸，相反頭卻垂得很低很低，從後面看到，他用手背揩淚，肩膊猛地顫抖。他贏了，但身影縮得很小很小，他等一句公道的說話，大概等了太多個陰天晴天下雨天。公眾席上紛紛傳來啜泣聲，這一天這一場審訊旁聽者不多，但席上卻有一半人垂淚。坐我後面的女人，把一包紙巾遞給我身旁的中年男士，他脫下口罩，狠狠的擤鼻涕。

退庭，被告轉身，跟他身後的女友哭著相擁。辯方大狀拉著一個黑色載滿文件的拖喼，步出法庭，我聽到她跟哭紅了眼的洗衫男女朋友說：「嘩，你哋個個喊成咁，我以為自己輸咗官司呀！」

沒有代價的不可信證人

案件審完，大家最重視的，是被告有罪無罪？法庭信納被告供詞，但與此同時，平行時空之下，卻生出了另一套完全不同的警方供詞版本。若警員才是誠實證人，被告人或將付上襲警罪的牢獄代價；如今被告無罪釋放，不可信的警方證人，又可有制度加以追究？案件審結，但沒能審判的細節原來更多。

十一月那個夜晚，他本來只是「落街洗衫」，最後被噴到整頭整臉胡椒噴劑、被拘留在警署兩日，惹上一宗襲警官司，纏繞在身二百幾日之久。在庭外洗衫男曾說，他在心理上作出了坐牢的準備，這八個月的煎熬，有口難言。「我好多謝有個咁公正的官，有個好細心好有耐性好畀心機幫我辯護的大狀⋯⋯」頓一頓後，他的女友哽咽地說：「我哋希望其他被濫捕的人，都會有公平的審訊。」

「我係香港人」的洗衫男可以是你可以是我，在旁聽人士釋懷的眼淚中，我看到深深的委屈和恐懼。

記一個無法盡興嘅萬聖節。

Medium Link: https://link.medium.com/ki0YoeOQe1

//

2019 年 10 月 31 日，萬聖節前夕。

香港係一個奇妙嘅地方，明明經歷緊幾十年以來最嚴重嘅管治危機，最動盪嘅歲月，但係市民重陽山照拜、萬聖糖照派，路過灣仔駱克道，除咗冇平日咁熱鬧之外，嗰種生活如常嘅狀態，絕對唔係電視畫面或者報紙照片上所呈現嘅劍拔弩張。

唔知係好彩定唔好彩，賴叔今晚要上堂，地點遠離中環蘭桂坊，即係想飲杯嘢都要等返到屋企打開雪櫃。都好嘅，我又唔鍾意同人迫，又唔鍾意見到 Green Objects ，有個機制迫我自動去課室報到、自願被軟禁三粒鐘，總好過喺街等食 TG 放題。

話時話，今朝返工，賴叔喺中環金融中心嘅核心地段，見到輕裝上陣嘅防暴警察企喺噴水池旁邊，晨早流流，都有警察要披著面巾，唔知係咪驚一班金融才俊同佢哋打卡呢？抑或，自我感覺同甲級寫字樓地段格格不入，所以要遮掩自己尷尬嘅面色？學太古城街坊話齋，「你住得起咩？」中環價值行十進制，同毅進制唔太兼容。

- - -

咁由於事先已經知道呢一晚中環唔會平靜嘅關係，我係一早諗定放學之後嘅逃生路線嘅。我有諗過化身夫司機，揸車返工、擺低喺天星碼頭，然後揸返學校，再湊多幾位同學一齊返過海嘅。不過大家既然興致缺缺，我一個人自駕就唔符合成本效益。於是，剩下嘅選項就係黨鐵同巴士。

基於事先張揚嘅封閉太子及中環站時間表，我係諗住坐巴士過西隧，過咗海就係神仙嘅。喂，太子同旺角都封站喎，如果油麻地都收皮，咁我咪 GG ？殊不知巴士站有人話，冇車呀，啲車喺中上環 (抑或油尖旺？) 一帶卡住咗，返唔到，咁迫於無奈之下，坐地鐵去就近嘅地方轉紅 Van 就係最快嘅選擇。為安全計，我甚至打電話去留位熱線度問清楚，紅 Van 到底仲有冇車。就好似屋企洗水缸咁，要問定幾點會閂水掣。黐孖筋。

黨鐵喺上環站延誤咗好一段時間。唔知係咪中環站關閉，系統要調整設定，所以所有東行列車喺上環都係戇鳩鳩硬直幾分鐘 (打機嘅朋友就會明) 。然後，同學群組開始有報平安嘅訊息：

同學甲：「觀塘線好正常呀。」

同學乙：「我去到尖東，好在趕到班巴士，如果唔係要等多 45 分鐘，租酒店都唔掂！」

同學丙：「我都返到屋企喇。」

其時我剛好搭上過海紅色小巴，居然係車等人而唔係人龍等車，奇怪。但我心入面有一種滄涼嘅感覺。同學之間非親非故，更加唔係男女朋友或夫妻關係 (有冇人搞地下情我就唔清楚) ，做乜嘢要搞到大家互報平安，好似教會望彌撤禮成咁，要信眾們互道平安？諗起嗰個大家揖手作揖、撚起把聲、擠個笑面出嚟嘅盛景，我其實有少少⋯⋯胃氣脹。

但真係喎，原來今時今日，夜媽媽九點、十點放學，能夠平安返屋企已經唔再係必然嘅事情。即使返到屋企樓下，亦不能斷然已經抵壘。因為警察已經可以強闖私人屋苑，甚至迫令住客跪低、抱頭等候搜身。而保安員如果有任何阻撓嘅動作，就會被控阻差辦公、仲會冇咗份工。

由幾時開始，警權好似個用死氣喉泵漲嘅汽球咁，無限放大，而大家又篤佢唔爆、吹佢唔脹？今時今日，催淚彈放題已經係每個週末嘅生活日常，而警員動用警棍嘅次數已經多到好似呼吸咁，無怪乎保安局喺立法會會議上都已經唔再交代咁多，只係以事件綜合使用過嘅武力及武器嘅種類及數量。因為根本罄竹難書。

- - -

以前民陣搞集會、遊行，其中一句常用口號係「警權無限大，人權被出賣」。計我話，「警權無限大」嘅下一句，「香港好腐敗」。香港電台報道，今日有大律師咁樣講：

「根據《警隊條例》第50(3)條 ，警方在無手令下進入私人處所執法，必須是「有理由相信須予逮捕的人」已置身該私人地方，要有合理客觀基礎，高等法院有案例講明，若警方純粹為調查罪案，看一看有無人犯法，有關條款並不適用。

至於私人處所居民或管理人與警方理論或阻止警方進入，會否構成「阻差辦公」。黃宇逸說，阻差辦公是指蓄意妨礙警務人員正當執行職務，如果警員進入私人處所時，不符合《警隊條例》第50(3)條要求，即並非正當執行職務，拒絕的人亦不構成「阻差辦公」。」

然後有賴叔嘅讀者留言問，《警隊條例》係咪已經廢除咗？抑或係警務處長盧偉聰話改就改？ (我私疑係散仔協會林志偉進行大改版但係冇通知大家)

係囉，由拒絕出示或展示委任證嘅一刻，警隊已經決心將制約、規範佢哋嘅規矩拋諸腦後、棄如敝履。之後嘅濫權、濫捕、濫暴 (我中文唔好，統稱「下三濫」好喇) 都已經係自然現象。投訴警察課唔會處理，監警會唔會有 case ，然後冇獨立調查，律政司亦唔會起訴，真係可以跳起 Yeah 。

- - -
然後今晚教授喺課堂上毫無保留咁講：「大家點可以唔關注當下嘅抗爭、示威？我哋讀法律嘅，法治係非常重要架！」 (英文原文： How can we not mention the protests? We are all lawyers and the rule of law is so important!) 屌你老母，難為同學之中仲有人話，「我討厭政治，可唔可以純學術討論？」

我屌你啦，法治同政治幾時分開過？ Rule of Law 同 Rule by Law 已經係差之毫釐，謬以千里。你同我講「依法施政」，係 Rule by Law ，係富有中國特式嘅「法治」呀。香港嘅金融中心地位從何而來？如果係 Rule by Law 嘅話，上海晨撚早取代咗香港啦！解放軍使戒急用忍，一路保持「未出」嘅狀態？谷住谷住咁辛苦？

當我可以安坐家中，打呢篇純粹個人感想出嚟，同大家分享嘅時候，我諗起 史兄 因為幾個月來嘅支援工作，而寫少咗好撚多字。嗰下我係慚愧嘅。畢竟對於前線抗爭者，我所付出嘅真係少之又少。喺網上面寫幾隻字，好聽就叫文宣，唔好聽咪又係飛機文。

唯一希望嘅係，我作為一個香港人，同大家同吸一口氣，將大家嘅愁諸、鬱結一齊呼返出嚟。如果文字能夠給予大家慰藉或更多動力，咁我寫到半夜三更，都真係小小意思，不成敬意。